اسلام آباد ۔ 6 اپریل (اے پی پی)وزیراعظم عمران خان نے کہا ہے کہ فتح ہمیشہ سچ کی ہوتی ہے اور یہی بہترین پالیسی ہے، جنگی جنون کے ذریعہ انتخابات جیتنے کی بھارتی جنتا پارٹی کی کوشش الٹی پڑ گئی۔ ہفتہ کو سماجی رابطہ کی ویب سائٹ ”ٹوئٹر“ پر اپنے پیغام میں وزیراعظم عمران خان نے کہا کہ پاکستانی ایف 16 طیارہ گرانے کا بھارتی دعویٰ بھی بے نقاب ہوگیا، امریکی دفاعی حکام نے تصدیق کی ہے کہ پاکستانی فضائی بیڑے میں کوئی ایف16 کم نہیں ہوا۔
