لاہور۔7جولائی (اے پی پی):انسپکٹر جنرل پولیس پنجاب ڈاکٹر عثمان انور نے اسلام آباد میں دوران ڈیوٹی بم دھماکے میں جانوں کا نذرانہ پیش کرنے والے پنجاب پولیس کے شہدا کی 17 ویں برسی پر خراجِ عقیدت پیش کرتے ہوئے کہا ہے کہ فرض کی راہ میں جانیں قربان کرنے والے عظیم سپوتوں اور ان کے ورثا کو سلام پیش کرتے ہیں۔
ترجمان پنجاب پولیس نے بتایا کہ 06 جولائی 2008 کو پنجاب پولیس کے 09 افسران و اہلکاروں نے اسلام آباد میں دوران ڈیوٹی بم دھماکے میں جام شہادت نوش کیا۔شہید ہونے والوں میں ایک اے ایس آئی، ایک ہیڈ کانسٹیبل اور 7 کانسٹیبلز شامل تھے۔شہادت کے رتبے پر فائز ہونے والوں میں اے ایس آئی محمد نواز، ہیڈ کانسٹیبل عطا اللہ، کانسٹیبلز عابد رشید، خالد محمود، بابر علی، شاہد مقصود، حق نواز، امجد اقبال اور قمر عباس شامل تھے۔
