اسلام آباد۔8اکتوبر (اے پی پی):نگران وزیر خارجہ جلیل عباس جیلانی نے فلسطینیوں کے ساتھ پاکستان کی یکجہتی کا اعادہ کرتے ہوئے عالمی برادری سے مطالبہ کیا ہے کہ وہ تنازع کے خاتمے، شہریوں کے تحفظ اور مشرق وسطی میں دیرپا امن کے لیے کام کرنے کے لیے مداخلت کرے۔
سوشل میڈیا پلیٹ فارم ایکس پر ایک پوسٹ میں وزیر خارجہ نے کہا کہ پاکستان کو مشرق وسطی میں بڑھتی ہوئی کشیدگی اور معصوم جانوں کے ضیاع پر گہری تشویش ہے۔ ہم فلسطینیوں کے ساتھ یکجہتی کے ساتھ کھڑے ہیں اور اسرائیلی قابض افواج کے تشدد اور جبر کو فوری طور پر بند کرنے کا مطالبہ کرتے ہیں۔
انہوں نے متعلقہ پوسٹ میں کہا کہ 1967 سے پہلے کی سرحدوں اور اقوام متحدہ کی قراردادوں کی بنیاد پر ایک قابل عمل اور خودمختار ریاست فلسطین کا قیام ضروری ہے۔
