اسلام آباد۔2ستمبر (اے پی پی):نگران وزیراعظم انوارالحق کاکڑ نے کہاہے کہ پاکستان میں فن اور ثقافت کو فروغ دینے کے لیے وزارت اطلاعات و نشریات اور قومی ورثہ و ثقافت ڈویژن کے مابین تعاون انتہائی سودمند ثابت ہو سکتا ہے۔ انہوں نے یہ بات ہفتہ کویہاں نگران وزیرِ قومی ورثہ وثقافت جمال شاہ سے ملاقات میں کہی۔
ملاقات میں جمال شاہ نے وزیراعظم کو اپنی وزارت کے امور کے حوالے سے آگاہ کیا،ملاقات میں پاکستان میں فن اور ثقافت کو فروغ دینے کے لیے ممکنہ اقدامات پر گفتگوبھی ہوئی۔ وزیراعظم نے کہاکہ پاکستان میں فن اور ثقافت کو فروغ دینے کے لیے وزارت اطلاعات و نشریات اور قومی ورثہ و ثقافت ڈویژن کے مابین تعاون انتہائی سودمند ثابت ہو سکتا ہے۔
