فیصل آباد۔ 11 جنوری (اے پی پی):فیصل آباد الیکٹرک سپلائی کمپنی کے شعبہ کنسٹرکشن کی طر ف سے گزشتہ ماہ دسمبر میں ریجن بھر میں 33کروڑ سے زائد کی لاگت سے مختلف منصوبوں کو پایہ تکمیل تک پہنچا یا گیااور ماہ دسمبر میں 20کروڑ کی لاگت سے108دیہاتوں میں بجلی کی فراہمی عمل میں لائی گئی جبکہ7کروڑ48لاکھ کی لاگت سے2 ایچ ٹی اور6کروڑ25لاکھ کی لاگت سے55ایل ٹی پرپوزلز مکمل کی گئیں۔
فیسکو کے ترجمان طاہر شیخ نے اے پی پی کو بتایا کہ فیسکو کنسٹرکشن ڈائریکٹوریٹ نے ماہ دسمبرمیں فیصل آباد،جھنگ،سرگودھا اورمیانوالی سرکلز کے آٹھ اضلاع فیصل آباد،جھنگ، ٹوبہ ٹیک سنگھ، چنیوٹ، میانوالی، سرگودھا، بھکر اور خوشاب میں 108نئے دیہات روشن کرنے کے علاوہ55ایل ٹی پروپوزلز اور2فیڈروں کی تکمیل کی ہے جن پر33کروڑ73لاکھ روپے لاگت آئی ہے۔
انہوں نے بتایا کہ چیف ایگزیکٹو فیسکو انجینئر محمد عامر کی ہدایت پر پی ڈی کنسٹرکشن ابراراحمد کی زیر نگرانی ایک کروڑ 3لاکھ کی لاگت سے فیصل آباد میں 10ایل ٹی پروپوزلز، ایک کروڑ72لاکھ کی لاگت سے جھنگ میں 12، ایک کروڑ86لاکھ کی لاگت سے سرگودھا میں 18 جبکہ ایک کروڑ62لاکھ روپے کی لاگت سے میانوالی میں 15ایل ٹی پروپوزلز کو مکمل کیاگیا۔اسی طرح3کروڑ92لاکھ روپے کی لاگت سے فیصل آباد میں 24 نئے دیہات،5کروڑ64لاکھ کی لاگت سے جھنگ میں 31جبکہ 5کروڑ27لاکھ کی لاگت سے سرگودھا میں 27 جبکہ 5کروڑ14لاکھ کی لاگت سے میانوالی میں 26نئے دیہات روشن کئے گئے۔
انہوں نے بتایا کہ فیصل آباد میں 4کروڑ 9لاکھ کی لاگت سے ایک ایچ ٹی پروپوزلزاورجھنگ میں 3کروڑ 38لاکھ کی لاگت سے ایک ایچ ٹی پروپوزل مکمل کرلی گئی ہے۔دریں اثنا چیف ایگزیکٹوفیسکو انجینئرمحمد عامر نے شعبہ کنسٹرکشن کی کارکردگی کوسراہا اور انہیں ہدایت کی کہ وہ مزید جاری سکیموں کو بھی اسی جذبہ سے پایہ تکمیل تک پہنچائیں تاکہ ریجن بھر کے صارفین کو زیادہ سے زیادہ ریلیف مل سکے۔
