فیصل آباد۔ 15 جولائی (اے پی پی):فیصل آباد الیکٹرک سپلائی کمپنی کابجلی چوروں کے خلاف کریک ڈاؤن بھرپور طریقے سے جاری ہے اور گزشتہ24گھنٹوں میں فیسکوریجن کے آٹھوں اضلاع کے تمام چھ آپریشن سرکلزمیں میں بجلی چوروں کے خلاف کارروائیوں میں مزید 43 بجلی چور پکڑے گئے ہیں جنہیں 24 لاکھ روپے سے زائد جرمانہ عائد کرنے سمیت ان کے بجلی کے کنکشن منقطع کردیئے گئے ہیں اور ان کے خلاف متعلقہ پولیس تھانوں میں مقدمات کے اندراج کیلئے درخواستیں بھی جمع کروادی گئی ہیں۔
چیف ایگزیکٹو فیسکو انجینئر محمد عامرنے ’’اے پی پی ‘‘کو بتایا کہ حکومت پاکستان اور وزارت توانائی پاور ڈویژن کی ہدایات پربجلی چوروں کے خلاف بلاامتیاز بھرپور کریک ڈاؤن جاری ہے۔انہوں نے بتایا کہ فیسکو ریجن میں بجلی چوری کے خلاف جاری خصوصی مہم میں 310روزکے دوران10ہزار237بجلی چور پکڑے گئے ہیں جن کو 2 کروڑ45لاکھ روپے سے زائدڈی ٹیکشن یونٹس اورایک ارب2 کروڑ97لاکھ سے زائد کاجرمانہ عائدکیاگیا ہے جبکہ فیسکو ریجن میں مجموعی طور پر10ہزار سے زائدبجلی چوروں کے خلاف مقدمات کا اندراج کروادیاگیا ہے اور7532بجلی چور گرفتارکرلئے گئے ہیں۔انہوں نے بتایا کہ فیسکو نے بجلی چوروں سے 73کروڑ81 لاکھ روپےسے زائد کی ریکوری بھی کرلی ہے۔انہوں نے بتایا کہ فیسکوفرسٹ سرکل سے اب تک2446بجلی چوروں کو57لاکھ 85ہزارسے زائد ڈی ٹیکشن یونٹس اور2کروڑ38لاکھ روپےسے زائد کا جرمانہ عائدکیاگیا۔
فیسکوسیکنڈسرکل سے1902بجلی چوروں کو48لاکھ70ہزارسے زائدسے زائد ڈی ٹیکشن یونٹس اور 19کروڑ 20لاکھ روپےسے زائد کا جرمانہ عائدکیاگیا۔فیسکوجھنگ سرکل سے کل1133بجلی چوروں کو32 لاکھ 59ہزارسے زائد ڈی ٹیکشن یونٹس اور 11کروڑ 20لاکھ روپےسے زائد کا جرمانہ عائدکیاگیا۔انہوں نے بتایا کہ فیسکوسرگودھا سرکل سے1488بجلی چوروں کو33لاکھ49ہزار سے زائد ڈی ٹیکشن یونٹس اور 15کروڑ38ہزار روپےسے زائد کا جرمانہ عائدکیاگیا۔اسی طرح فیسکومیانوالی سے کل2554بجلی چوروں کو50لاکھ65ہزارسے زائد ڈی ٹیکشن یونٹس اور24کروڑ 56لاکھ روپےسے زائد کا جرمانہ عائدکیاگیا۔علاوہ ازیں فیسکوٹوبہ ٹیک سنگھ سرکل سے کل663بجلی چوروں کو15لاکھ 85ہزارسے زائد ڈی ٹیکشن یونٹس اور 8کروڑ10لاکھ روپےسے زائد کا جرمانہ عائدکیاگیا۔
