فیصل آباد۔ 30 ستمبر (اے پی پی):محکمہ زراعت نےپنجاب بھر میں تیلدار اجناس کی ربیع اقسام کی کاشت کے شیڈول کااعلان کردیا ہے۔ڈپٹی ڈائریکٹرمحکمہ زراعت توسیع فیصل آباد عدیل احمدنے کہا ہے کہ کاشتکارمذکورہ شیڈول کے مطابق تیلدار اجناس کی ربیع اقسام کی کاشت یقینی بنائیں تاکہ اچھی پیداوار کاحصول ممکن ہو سکے۔
انہوں نے کہا کہ صوبہ بھرمیں کینولا اقسام پنجاب کینولا، فیصل کینولا، پی اے آر سی کینولاہائبرڈ31 اکتوبر تک، پورے پنجاب میں خانپور رایا یکم اکتوبر سے 31 اکتوبر تک، چکوال رایا 31اکتوبر تک، چکوال سرسوں 15اکتوبر تک، سرسوں ڈی جی ایل 31اکتوبر تک اور بھکر، خوشاب، رحیم یار خان، میانوالی، بہاولنگر، بہاولپور سمیت کم بارش والے علاقوں میں تارامیرا کی فصل کی کاشت فوری شروع کرکے آخر اکتوبر تک جبکہ آب پاش علاقوں میں یکم اکتوبر سے شروع کرکے 15نومبر تک کاشت مکمل کی جاسکتی ہے۔ انہوں نے بتایاکہ ان اقسام کا وقت برداشت مارچ کے آخری ہفتہ سے لے کر اپریل کے آخری ہفتہ تک ہے۔
Short Link: https://urdu.app.com.pk/urdu/?p=506790
