فیصل آباد،کاشتکاروں کو شلجم کی کاشت فوری شروع کرنے کی ہدایت

فیصل آباد۔ 04 اکتوبر (اے پی پی):ڈپٹی ڈائریکٹرمحکمہ زراعت توسیع فیصل آبادعدیل احمد نے کاشتکاروں کو شلجم کی کاشت فوری شروع کرنے کی ہدایت کی ہے۔ انہوں نے کہاکہ فصل کی بروقت کاشت سے بہتر پیداوار حاصل کی جا سکتی ہے اور کاشت کیلئے بہتر نکاس والی زرخیز میرا زمین کاانتخاب ضروری ہے۔

انہوں نے کہاکہ کاشتکار کھیت کی تیاری کےلئے ایک بار مٹی پلٹنے والا ہل اور دو سے تین بار عام ہل چلائیں تاکہ زمین نرم اور بھر بھر ی ہو جائے۔

انہوں نے کہاکہ گوبر کی گلی سڑی کھاد ڈالنے سے بہتر پیداوار کا حصول بھی ممکن ہے۔ انہوں نے کہاکہ اس ضمن میں مزید رہنمائی کے لئے ماہرین زراعت یا محکمہ زراعت کے فیلڈسٹاف کی خدمات سے بھی استفادہ کیاجاسکتاہے۔

Short Link: https://urdu.app.com.pk/urdu/?p=508408