فیصل آباد،کاشتکاروں کو مولی کی اگیتی کاشت رواں ہفتے کے دوران مکمل کرنے کی ہدایت

فیصل آباد۔ 02 ستمبر (اے پی پی):محکمہ زراعت نے کاشتکاروں کو مولی کی اگیتی کاشت رواں ہفتے کے دوران مکمل کرنے کی ہدایت کی ہے ۔ ترجمان ریسرچ انفارمیشن یونٹ ایوب زرعی تحقیقاتی ادارہ فیصل آباد کے مطابق کاشتکار مولی کی کاشت کاعمل بروقت مکمل کرلیں تاکہ 40یوم والی مولی کی کاشت سے انہیں پیداوار حاصل کرنے میں مدد مل سکے۔

انہوں نے کہا کہ مولی کی کاشت کے لئے 3کلوگرام بیج فی ایکڑ استعمال کرنا چاہیئے اور پانی کے اچھے نکاس والی ذرخیز میرازمین کاانتخاب کرتے ہوئے بوائی سے قبل کھیت میں 12 سے15ٹن گوبر کی گلی سڑی کھاد فی ایکڑ بھی ڈالنی چاہیے تاکہ بہترفصل کا حصول ممکن ہوسکے۔