فیصل آباد۔ 09 جولائی (اے پی پی):جامعہ زرعیہ فیصل آبادکے ماہرین نے کاشتکار وں کو پیاز کی پنیری کی کاشت مکمل کرنے کی ہدایت کی ہے۔ انہوں نے کہاکہ پیاز کی پنیری کی کاشت کےلئے ایسی زمین کاانتخاب کریں جس میں پانی جذب کرنے کی صلاحیت موجود ہو۔
انہوں نے کہاکہ پنیری کی کاشت سے قبل گوبر کی گلی سڑی کھاد ایک من فی مرلہ کے حساب سے ڈال کر اسے زمین میں اچھی طرح ملانے کے بعد آبپاشی سے بہتر نتائج حاصل کئے جاسکتے ہیں۔ انہوں نے کہاکہ شرح بیج فی ایکڑ 3 سے4 کلوگرام رکھی جائے۔ اس ضمن میں مزید رہنمائی کےلئے ماہرین زراعت یا محکمہ زراعت کے فیلڈ سٹاف سے بھی رابطہ کیاجاسکتاہے۔
