اسلام آباد۔22فروری (اے پی پی):فیضان طارق نے17 ویں قومی ٹین پن باؤلنگ چیمپئن شپ ایمچور کا ٹائٹل جیت لیا جبکہ معیذ ارسلان نے دوسری اور سبعین ارسلان نے تیسری پوزیشن حاصل کی۔لیزر سٹی بائولنگ کلب اسلام آباد میں کھیلے گئے ایمچور کے ایونٹ میں فیضان طارق نے 324 پوائنٹس کے ساتھ پہلی پوزیشن حاصل کی جبکہ معیذ ارسلان 303 پوائنٹس کے ساتھ دوسرے نمبر پر رہےاور سبعین ارسلان نے 292 پوائنٹس کے ساتھ تیسری پوزیشن حاصل کی۔
اس موقع پر پاکستان ٹین پن باؤلنگ فیڈریشن کے صدر اعجاز الرحمن اور سیکرٹری جنرل محمد حسین چٹھہ کے علاوہ شائقینِ کی کثیر تعداد میں موجود تھی۔ چیمپئن شپ میں ملک بھر سے مرد اور خواتین کھلاڑی حصہ لے رہے ہیں۔ چیمپئن شپ میں سات کیٹگریز کے مقابلے رکھے گئے ہیں جن میں مینز سنگلز، مینز ڈبلز،ٹیم ایونٹ، میڈیا ایونٹ، لیڈیز سنگلز، ایمچور اور ڈیف مینز سنگلز کے مقابلے شامل ہیں۔ چیمپئن شپ 25 فروری تک جاری رہے گی۔
Short Link: https://urdu.app.com.pk/urdu/?p=564767
