اسلام آباد۔30جنوری (اے پی پی):اسلام آباد ہائیکورٹ نے فیڈرل پبلک سروس کمیشن کو سی ایس ایس 2024 کے نتائج جاری کرنے سے پہلے نئے امتحانات سے روکنے کی درخواست پرنوٹس جاری کر کے ایف پی ایس سی سے ( کل )جمعہ تک ریکارڈ طلب کر لیا ہے ۔
اسلام آباد ہائی کورٹ کے جسٹس محسن اختر کیانی نے کیس کی سماعت کی۔درخواست گزار حمزہ جاوید اور دیگر کی جانب سے علی رضا ایڈووکیٹ پیش ہوئے۔ درخواست میں موقف اختیار کیا گیا ہے کہ فروری 2024 میں فیڈرل پبلک سروس کمیشن میں سی ایس ایس کا امتحان دیا۔ابھی تک فیڈرل پبلک سروس کمیشن نے وہ نتائج ہی جاری نہیں کئے۔فیڈرل پبلک سروس کمیشن نے 2024 کے نتائج جاری کرنے کی بجائے نئے امتحانات کا اعلان کر دیا۔
کمیشن سات ،آٹھ ماہ میں نتائج کا اعلان کر دیتا ہے ، اب کی بار 11 ماہ سے نتائج جاری نہیں ہوئے۔ کمیشن کو 2024 کے نتائج جاری کرنے سے پہلے نئے امتحانات لینے سے روکا جائے۔عدالت نے نوٹس جاری کرکے ریکارڈ طلب کرتے ہوئے سماعت (آج )جمعہ تک ملتوی کردی۔
Short Link: https://urdu.app.com.pk/urdu/?p=554034
