قائداعظم فرسٹ کلاس کرکٹ ٹرافی کا ساتواں مرحلہ (آج) شروع ہوگا

اسلام آباد ۔ 18 اکتوبر (اے پی پی) پاکستان کرکٹ بورڈ کے زیراہتمام جاری قائداعظم فرسٹ کلاس کرکٹ ٹرافی کا ساتواں مرحلہ (آج) جمعہ سے شروع ہوگا۔ تفصیلات کے مطابق گروپ اے میں قدافی سٹیڈیم لاہور میں لاہور وائٹس کا مقابلہ اسلام آباد سے ہوگا۔ ایبٹ آباد سٹیڈیم میں فاٹا اور پشاور کی ٹیموں کے درمیان میچ کھیلا جائے گا۔ اقبال سٹیڈیم فیصل آباد میں نیشنل بینک آف پاکستان اور حبیب بینک کی ٹیمیں مدمقابل ہوںگی۔ کے آر ایل سٹیڈیم راولپنڈی میں سوئی نادرن گیس پائپ لائنز اور کے آر ایل کی ٹیمیں آمنے سامنے ہوں گی۔ گروپ بی میں ایل سی سی اے گراو¿نڈ لاہور میں کراچی وائٹس اور لاہور بلیو کی ٹیموں کے درمیان میچ ہوگا۔

Short Link: https://urdu.app.com.pk/urdu/?p=118112