اسلام آباد ۔11 ستمبر (اے پی پی) وزےراعظم شاہد خاقان عباسی نے کہا ہے کہ پوری قوم آج قائد اعظم محمد علی جناح کا 69واں ےوم وفات عقیدت و احترام کے ساتھ منا رہی ہے ۔قائد اعظم محمد علی جناح کی کرشماتی شخصیت ، دانشمندی ، دور اندیشی اور قائدانہ صلاحیتوں کی پوری دنیا باالعموم اور جنوبی ایشیا کے عوام باالخصوص معترف ہیں اور قدر کی نگاہ سے دیکھتے ہیں ۔ ایک سیاسی مدبر کے طور پر قائد اعظم کی انتھک ، پر امن ، آئینی اور جمہوری جدوجہد کے نتیجے میں برصغیرکے مسلمانوںکے لئے ایک آزاد وطن قائم ہوا ۔ آزادی کی تحریک قائد اعظم محمد علی جناح کی سیاسی بصیرت اور دانشمندی کا منہ بولتا ثبوت ہے۔
