اسلام آباد۔ 02 اکتوبر(اے پی پی) پاکستان کرکٹ بورڈ (پی سی بی) کے زیر اہتمام قائد اعظم ٹرافی کے دوسرے مرحلے کا آغاز (آج) منگل سے ملک کے مختلف شہروں میں ایک ساتھ ہو گا۔ تفصیلات کے مطابق ملک کے مختلف شہروں میں جاری ایونٹ میں (آج) منگل سے آٹھ میچز شروع ہوں گے، ڈائمنڈ کلب گراﺅنڈ اسلام آباد میں اسلام آباد اور سوئی ناردرن گیس پائپ لائن، اقبال سٹیڈیم، فیصل آباد میں واپڈا اور فیصل آباد، قذافی سٹیڈیم، لاہور میں نیشنل بینک آف پاکستان اور لاہور بلیوز، ارباب نیاز سٹیڈیم، پشاور میں پشاور اور سوئی سدرن گیس کارپوریشن، جناح سٹیڈیم سیالکوٹ میں فاٹا اور کے آر ایل، نیشنل سٹیڈیم کراچی میں پی ٹی وی اور کراچی وائٹس، لاہور سٹی گراﺅنڈ میں لاہور وائٹس اور یونائیٹڈ بینک لمیٹڈ جبکہ راولپنڈی سٹیڈیم میں راولپنڈی اور حبیب بینک کی ٹیموں کے درمیان میچز شروع ہوں گے۔
