قائد حزب اختلاف قومی اسمبلی عمر ایوب خان کی بھارتی جارحیت کی شدید مذمت

اسلام آباد۔8مئی (اے پی پی):قائد حزب اختلاف قومی اسمبلی عمر ایوب خان نے بھارتی جارحیت کی شدید مذمت کرتے ہوئے شہدا کے درجات کی بلندی کے لیے دعا کی ہے ۔ جمعرات کو اپنے مذمتی بیان میں انہوں نے متاثرہ خاندانوں سے ہمدردی اور تعزیت کا اظہار کیا اور کہا کہ بھارت کی جانب سے میزائل اور ڈرون حملے پاکستان کی خودمختاری اور سالمیت کی سنگین خلاف ورزی ہے ۔ بھارت کے حملے سے خطے میں امن و استحکام کو شدید خطرات لاحق ہیں۔ بھارتی جارحیت قابل مذمت ہے۔ انہوں نے معصوم شہدا کو خراجِ عقیدت پیش کیا اور ان کے درجات کی بلندی کے لئے دعا کی۔

Short Link: https://urdu.app.com.pk/urdu/?p=594574