قصور۔ 27 اگست (اے پی پی):پنجاب کے دریاؤں میں سیلابی صورتحال کو کنٹرول کرنے کے لیے وزیراعلی پنجاب کی ہدایت پر فوری امدادی اقدامات کیلئے اہم فیصلے کیے گئے۔ لاہور، قصور، سیالکوٹ، فیصل آباد، نارووال اور اوکاڑہ میں ضلعی انتظامیہ کی امداد کیلئے فوج طلب کر لی گئی۔
سول انتظامیہ کی امداد اور انسانی جانوں کے تحفظ کیلئے فوج طلب کی گئی ۔ضلعی انتظامیہ، ریسکیو 1122، سول ڈیفنس اور پولیس پہلے ہی فرنٹ لائن پر اپنی زمہ داریاں ادا کر رہے ہیں ۔بروقت فیصلہ ضلعی انتظامیہ کی امداد اور کسی بھی ناخوشگوار صورتحال سے بچنے کیلئے کیا گیا۔
محکمہ داخلہ پنجاب نے 6 اضلاع میں فوج کی تعیناتی کیلئے وفاقی وزارت داخلہ کو مراسلہ لکھ دیا۔ لاہور، قصور، سیالکوٹ، فیصل آباد، نارووال اور اوکاڑہ میں ریسکیو اور امدادی سرگرمیوں کیلئے فوج کو طلب کیا جا رہا ہے۔سیلابی علاقوں میں ضرورت کے مطابق آرمی ایوی ایشن اور دیگر وسائل بھی فراہم کیے جائیں گے۔
