ملتان ۔ 02 مئی (اے پی پی):وزیر اعلٰی پنجاب مریم نواز نے شہر اولیا کی تاریخی حیثیت کی بحالی کیلئے میگا پراجیکٹ کا آغاز کرتے ہوئے والڈ سٹی اتھارٹی کے تحت قلعہ کہنہ، دمدمہ ،قاسم پارک، سٹیڈیم اور اوقاف دفاتر کی اپ گریڈیشن شروع کر دی۔کمشنر ملتان ڈویژن عامر کریم خاں کی زیر صدارت والڈ سٹی اتھارٹی اور ضلعی حکام کا اجلاس منعقد ہوا۔اجلاس سے خطاب کرتے ہوئے کمشنرملتان نے کہا کہ 2 ارب 78 کڑوڑ سے زائد کی لاگت سے قلعہ کہنہ اور درباروں کی مکمل تاریخی حیثیت کو اجاگر کیا جائے گا۔
سٹیڈیم کے گرد جدید فوڈ کورٹ اور لینڈ سکیپنگ کے ذریعے خوبصورتی بحال کی جائے گی۔انڈر گراونڈ پاور سسٹم پر کام شروع کیا جائے گا اور تاریخی پانی کی ٹینکی کو بھی تفریح پوائنٹ میں تبدیل کیا جائے گا۔انہوں نے مزید کہا کہ اوقاف دفاتر اور زائرین کے لیے خصوصی جگہ مختص کر کے خوبصورتی میں اضافہ کیا جائے گا۔نگار خانہ اور تاریخی لائبریری کو بھی مکمل اپ گریڈ کرنے کا آغاز کردیا ہے ۔انہوں نے کہا کہ دمدمہ بلڈنگ پر ٹاپ روف کیفے کوبھی پلان میں شامل کیا گیا ہے۔ انہوں نے والڈ سٹی اتھارٹی کو خالی مقامات پر فوری ڈویلپمنٹ ورک شروع کرنے کی ہدایت کی۔انہوں نے کہا کہ پولیس، ریسکیو اوقاف اور آرکیالوجی ڈیپارٹمنٹ کو متبادل مقامات پر شفٹ کیا جائے گا۔
والڈ سٹی اتھارٹی قلعہ کہنہ اور ملحقہ پارکوں سمیت تاریخی عمارتوں کو اپ گریڈ کرے گی۔کمشنرملتان نے کہا کہ 4 کڑوڑ کی لاگت سے قلعہ کہنہ اور سٹیڈیم کے گرد فصیل کو بحال کیا جائے گا۔ڈپٹی کمشنر محمد علی بخاری نے کہا کہ ضلعی انتظامیہ لینڈ ایکوزیشن کے حوالے سے اقدامات کا آغاز کر رہی ہے۔ضلعی محکمے اور والڈ سٹی اتھارٹی مشترکہ لائحہ عمل کے ذریعے ڈویلپمنٹ ورک تیز کریں۔
اجلاس میں ڈی جی ایم ڈی اے چوہدری محمد سلیم سمیت ضلعی حکام نے بھی شرکت کی۔سینئر آرکیٹکٹ عظیم داد خان نے قلعہ کہنہ کے میگا پراجیکٹ پر تفصیلی بریفنگ دی۔
Short Link: https://urdu.app.com.pk/urdu/?p=591226
