اسلام آباد۔16جنوری (اے پی پی):وزیراعظم کی کوآرڈینیٹر برائے موسمیاتی تبدیلی رومینہ اور ماحولیاتی رابطہ خورشید عالم نے قدرتی آفات سے نمٹنے کے لیے قومی موسمیاتی رسک منیجمنٹ حکمت عملی کی ضرورت پر زور دیتے ہوئے کہا ہے کہ قومی، صوبائی اور ضلعی سطح پر موسمیاتی حکمت عملی کے نفاذ کو اپنایا جانا چاہئے۔
ان خیالات کا اظہار انہوں نے جمعرات کو یہاں’’انسانی مستقبل‘‘ کے حوالے سے تقریب سے خطاب کرتے ہوئے کیا۔ انہوں نے کہا کہ قدرتی آفات سے نمٹنے کے لیے مستحکم حکمت عملی اپنانے کی ضرورت ہے۔ رومینہ خورشید عالم نے کہا کہ موسمیاتی تبدیلی کے اثرات سے نمٹنے کے لیے طویل مدتی منصوبوں پر کام کر رہے ہیں، موسمیاتی تبدیلی سے متاثرہ زرعی شعبے کو بچانے کے لئے فوری اقدامات کرنے ہوں گے۔
انہوں نے کہا کہ پاکستان میں سیلابوں اور خشک سالی کے خطرات میں اضافہ ہوا ہے، پاکستان کی زرعی پیداوار پانی کی کمی سے متاثر ہوئی ہے، قدرتی آفات سے نمٹنے کے لیے وسائل کی کمی کا سامنا ہے۔ رومینہ خورشید عالم نے کہا کہ موسمیاتی آفات سے تحفظ کی تیاری اور بحالی کے لیے عالمی مالی امداد کی ضرورت ہے۔
