اسلام آباد ۔ 6 جولائی (اے پی پی) قومی احتساب بیوروکے چیئرمین جسٹس جاوید اقبال کی زیر صدارت نیب کا اجلاس نیب ہیڈکوارٹرز اسلام آباد میں منعقد ہوا۔ اجلاس میں ڈپٹی چیئرمین نیب، پراسیکیوٹرجنرل اکاﺅنٹیبلیٹی، ڈی جی آپریشن نیب اور نیب کے تمام ڈائریکٹر جنرلز نے ویڈےو لنک کے ذریعے شرکت کی۔ اجلاس میں نیب کی مجموعی کارکردگی کا جائزہ لیا گیا۔ چیئرمین نیب نے کہا کہ نیب احتساب سب کےلئے کی پالیسی پر سختی پر عمل پیرا ہے۔ نیب کا تعلق کسی سیاسی جماعت، گروہ اور فرد سے نہیں بلکہ نیب کی وابستگی صرف اورصرف ریاست پاکستان سے ہے۔ ملک سے بدعنوانی کے خاتمہ اور بدعنوان عناصر سے قوم کی لوٹی گئی رقوم کے علاوہ میگا کرپشن کے مقدمات کو منطقی انجام تک پہنچانا نیب کی اولین ترجیح ہے۔ نیب افسران ملک سے بد عنوانی کے خاتمہ کےلئے اپنے فرائض قومی فریضہ سمجھ کرسر انجام دے رہے ہیں۔ اجلاس میں نواز شریف، آصف علی زرداری، شاہد خاقان عباسی، شوکت عزیز، راجہ پرویز اشرف، سّید یوسف رضا گیلانی، شہباز شریف، اسلم خان رئیسانی، ثناءاﷲ زہری، مراد علی شاہ، قائم علی شاہ، اسحق ڈار، خواجہ سعد رفیق، ڈاکٹر عاصم حسین، احسن اقبال، طارق فصل چوہدری، مفتاح اسماعیل، غلام سرور خان، عامرکیانی، نورالحق قادری، بابرخان غوری، منظور وسان، آغاسراج درانی،سہیل انور سیال، عادل صدیقی، رﺅف صدیقی، شرجیل انعام میمن ، خورشید شاہ ، وسیم اختر،سردارعاشق خان گوپانگ،برجیس طاہر،اعجاز جاکھرانی، رانا ثناءاﷲ، ،سبطین خان، علیم خان، صاحبزادہ محمود زیب، شیر اعظم خان، انجینئر امیر مقام ، کیپٹن صفدر، سردار مہتا ب عباسی، عثمان سیف اﷲ، انور سیف اﷲ، اسفند یار کاکڑ، عاصم کرد، سعادت انور،رحمت بلوچ، طماش خان، حمزہ شہباز، سلیمان شہباز، حسن نواز، حسین نواز، احد چیمہ، فواد حسن فواد،امجدعلی خان،صدیق میمن، منظور کاکا، شاہد الا سلام، عمران الحق شیخ، عبد الغنی مجید، انور مجید، اعجاز ہارون، زاہد میر، آصف اختر ہاشمی، طاہر بشارت چیمہ، طارق حمید، ڈاکٹر احسان علی ، غلام مصطفٰی پھل، فرخند اقبال،امتیاز عنایت الہی، کامران لاشاری، اختر نواز گنجیرا، کامران شفیع ، خالد مرزا، اس کے علاوہ بینک اسلامی، بینک آف خیبر، مالم جبہ، بلین ٹری سونامی اور دیگر کے خلاف اب تک کی گئی تحقیقات کا جائزہ لیا گیا۔ یہ امر قابل ذکر ہے کہ بی آر ٹی کا کیس میںمعزز سپریم کورٹ آف پاکستان میں زیر سماعت ہے۔معزز سپریم کورٹ آف پاکستان کے مذکورہ کیس کے فیصلہ کی روشنی میں نیب کی تحقیقات کو قانون کے مطابق منطقی انجام تک پہنچائے گا۔ اجلاس میں فیصلہ کیا گےا کہا کہ اشتہاری اور مفرور ملزمان کی گرفتاری کےلئے قانون کے مطابق تمام ممکن وسائل بروئے کار لائے جائیں گے جبکہ نیب میں جاری شکاےات کی جانچ پڑتال ، انکوائریوںاور انوسٹی گیشنز کو قانون کے مطابق مکمل کےا جائے گا۔ اس کے علاوہ جو ملزمان نیب مقدمات میں ضمانت پر ہیں ان کی ضمانت کے فیصلوں کی مصدقہ نقول کے حصول کے بعد معزز عدالتوں میں اپیلز دائر کی جائیں گی تاکہ زیر سماعت مقدمات کو قانون کے مطابق منطقی انجام تک پہنچا ےا جائے اور قوم کی مبینہ طور پر لوٹی گئی رقوم برآمد کرکے قومی خزانے میں جمع کرائی جائیںجو کہ چیئرمین نیب جسٹس جاوید اقبال کی قیادت میں نیب کا پختہ عزم ہے۔
