قومی جونیئر و یوتھ اتھلیٹکس چیمپیئن شپ کی تیاریاں زور و شور سے جاری

اسلام آباد ۔ 10 اکتوبر (اے پی پی) پاکستان اتھلیٹکس فیڈریشن کے زیراہتمام 13 اکتوبر سے جناح سٹیڈیم اسلام آباد میں کھیلی جانے والی پاکستان اتھلیٹکس فیڈریشن کے زیراہتمام قومی یوتھ و جونیئر اتھلیٹکس چیمپیئن شپ کی تیاریاں زور و شور پر ہیں۔ پاکستان اتھلیٹکس فیڈریشن کے صدر میجر جنرل (ر) محمد اکرم ساہی نے بتایا کہ چیمپیئن شپ کی میزبانی کے فرائض اسلام آباد اتھلیٹکس ایسوسی ایشن انجام دے رہی ہے اور چیمپیئن شپ میں ملک بھر سے چودہ ٹیمیں حصہ لیں گی جن میں پاکستان آرمی، پاکستان واپڈا، پاکستان ایئر فورس، پاکستان نیوی، پاکستان ریلوے، ایچ ای سی، پنجاب، سندھ، خیبر پختونخوا، بلوچستان، اسلام آباد، آزاد جموں و کشمیر، فاٹا اور گلگت بلتستان شامل ہیں۔

Short Link: https://urdu.app.com.pk/urdu/?p=116873