قومی سلامتی پارلیمانی کمیٹی کا بائیکاٹ پی ٹی آئی کی سیاست کے عین مطابق ہے، سینیٹرعرفان صدیقی

اسلام آباد۔19مارچ (اے پی پی):سینیٹ میں پاکستان مسلم لیگ (ن) کے پارلیمانی پارٹی لیڈر اور خارجہ امور کمیٹی کے چیئرمین سینیٹر عرفان صدیقی نے کہا ہے قومی سلامتی پارلیمانی کمیٹی کا بائیکاٹ پی ٹی آئی کی سیاست کے عین مطابق ہے۔

بدھ کو سماجی رابطے کے پلیٹ فارم” ایکس” پر اپنے ایک بیان میں سینیٹر عرفان صدیقی نے کہا کہ صرف یہی جماعت ایک سزا یافتہ قیدی سے ملاقات کی ضد کو 93 ہزار پاکستانیوں کا خون پینے والی دہشت گردی کا مقابلہ کرنے کی حکمت عملی بنانے پر ترجیح دے سکتی ہے۔ انہوں نے کہا کہ قیدی بھی وہ جس نے وزیر اعظم ہوتے ہوئے بھی کبھی قومی سلامتی کے کسی پارلیمانی فورم میں شرکت نہیں کی۔

Short Link: https://urdu.app.com.pk/urdu/?p=574424