روم۔9مئی (اے پی پی):سربیاکے ٹینس سٹار لاسلو جیری اے ٹی پی اٹالین اوپن ٹینس ٹورنامنٹ کے مینز سنگلز مقابلوں کا فاتحانہ آغاز کرتے ہوئے دوسرے رائونڈ میں پہنچ گئے ۔ 29 سالہ سربین ٹینس سٹار لاسلو جیری نے اٹالین اوپن ٹینس میں مردوں کے سنگلز مقابلوں کے ابتدائی رائونڈ میں ارجنٹائن کے حریف ٹینس کھلاڑی ٹامس مارٹن ایچیوری کو شکست دی ۔
اٹالین اوپن ٹینس ٹورنامنٹ کے کانٹے دار مقابلوں کا سلسلہ اٹلی میں جاری ہے جس میں شائقین ٹینس کو انتہائی دلچسپ اور کانٹے دار مقابلے دیکھنے کو مل رہے ہیں۔مردوں کے سنگلز مقابلوں کے ابتدائی رائونڈ میں 29 سالہ سربین ٹینس سٹار لاسلو جیری نے انتہائی شاندار کارکردگی کا مظاہرہ کرتے ہوئے ارجنٹائن کے حریف ٹینس کھلاڑی ٹامس مارٹن ایچیوری کوسٹریٹ سیٹس میں 3-6 اور 2-6سے شکست دے کر نہ صرف ٹورنامنٹ کا فاتحانہ آغاز کیا بلکہ اگلے رائونڈ کے لئے کوالیفائی کرلیا،جہاں ان کا مقابلہ امریکی حریف ٹینس کھلاڑی ایلکس ٹی مشیلسن سے ہوگا۔
Short Link: https://urdu.app.com.pk/urdu/?p=594840
