لالہ موسیٰ ۔ 01 اکتوبر (اے پی پی):لالہ موسیٰ میں گورنمنٹ میٹرنٹی ہسپتال فوارہ چوک میں پولیو مہم کی افتتاحی تقریب کا انعقاد کیا گیا ہے، ڈپٹی کمشنر صفدر حسین ورک نے کم عمر بچوں کو پولیو کے قطرے پلاکر پولیو مہم کا افتتاح کیا، سی ای او ہیلتھ ڈاکٹر محمد عابد، ڈی ایچ اوز ڈاکٹر آیاز ناصر، ڈاکٹر غمخوار حسین شاہ، رائے شبیر اس موقع پر موجود تھے ۔
ڈپٹی کمشنر صفدر حسین ورک نے اس موقع پر گفتگو کرتے ہوئے کہا کہ ضلع گجرات میں پولیو مہم 2 تا 4 اکتوبر تک چلائی جاری رہے گی، جبکہ دو دن فالو اپ مہم ہوگی،مہم کے دوران 5 سال تک عمر کے 4 لاکھ 96 ہزار555 بچوں کو پولیو سے بچاؤ کے قطرے پلائے جائیں گے،انسداد پولیو کو کامیاب بنانے کے لئے جامع پلان تشکیل دیا گیا ہے، والدین اپنے 5 سال سے کم عمر بچوں کو لازمی پولیو کے قطرے پلائیں،
ڈپٹی صفدر حسین ورک نے کہا کہ پولیو ایک لاعلاج مرض ہے اس سے بچاؤ کا واحد ذریعہ پولیو ویکسین ہے، انسداد پولیو مہم کی کامیابی کیلئے موبائل اور فکسڈ ٹیموں کی تعداد میں نمایاں اضافہ کر دیا گیا ہے،5156 اہلکار پولیو مہم میں ڈیوٹی سرانجام دیں گے،2208 موبائل ٹیمیں،122 فکسڈ ٹیمیں جبکہ 33 ٹرانزنٹس پوائنٹس قائم کیے جائیں گے، پولیو کے قطرے پلانے سے انکاری والدین کے بارے فوری طور پر اطلاع دی جائے، والدین اپنے 5 سال سے کم عمر بچوں کو پو لیو سے بچا ؤ کے قطرے لازمی پلائیں، پولیو ٹیم نہ پہنچنے کی صورت میں قریبی محکمہ صحت کے مرکز سے را بطہ کریں۔
انہوں نے کہا کہ پولیو کے خاتمہ کے لئے تمام سرکاری محکموں کو اپنی ذمہ داریاں نبھانا ہونگی اسی طرح عماء کرام،والدین، سول سوسائٹی کے ارکان سمیت تمام شعبوں سے تعلق رکھنے والے افرادمحکمہ صحت کی ٹیموں سے بھرپورتعاون کریں۔ انہوں نے ہدایات دیں ہیں کہ پولیو کے ہدف کوسو فیصد یقینی بنایا جائے۔\378
Short Link: https://urdu.app.com.pk/urdu/?p=396660
