لاہور۔26جنوری (اے پی پی):ڈویژنل سپرنٹنڈنٹ پاکستان ریلوے لاہور ڈویژن میاں طارق لطیف کی ہدایت پرکمرشل انسپکٹر لیاقت علی نے مختلف ٹرینوں پر چھاپے مار کر 52 بغیر ٹکٹ مسافروں پر جرمانے عائد کئے۔
انہوں نےبدھ کے روز کراچی-راولپنڈی اور لاہور۔راولپنڈی کے درمیان چلنے والی مختلف ٹرینوں (تیزگام،راولپنڈی ریل کار،رحمان بابا ایکسپریس اور کراچی سے آنیوالی شالیمار ایکسپریس) پر اچانک چھاپہ مار کر 52 بغیر ٹکٹ مسافروں کو پکڑا اور ان سے کرایہ اور جرمانے کی مد میں 52 ہزار 1 سو 70 روپے وصول کر کے قومی خزانے میں جمع کروا دیے۔
ترجمان ریلوے کیمطابق ریڈز بائی روڈ کیے گئے تھے اور 8 بغیرٹکٹ کے مسافروں کیخلاف 5پولیس میمو بھی دی گئی ۔ڈی ایس میاں طارق لطیف نے کامیاب ریڈ پر کمرشل ٹیم کو شاباش دی اور کہا کہ آئندہ بھی ایسے ہی چھاپے مارے جائیں تاکہ بغیر ٹکٹ سفر کرنے والوں کی حوصلہ شکنی ہو سکے۔
Short Link: https://urdu.app.com.pk/urdu/?p=292358