لاہور۔5مئی (اے پی پی):سوئی ناردرن ٹیموں کا گیس چوروں کیخلاف کریک ڈائون جاری،لاہور سمیت مختلف اضلاع میں مزید 82 گیس کنکشن منقطع،20 لاکھ سے زائد جرمانہ عائد کردیا گیا ۔
ترجمان کے مطابق سوئی ناردرن گیس کی ریجنل ٹیم نے لاہور میں گیس کے غیر قانونی استعمال پر 16گیس کنکشن منقطع کر کے 4 لاکھ 50 ہزار جرمانہ عائد کیا۔اسی طرح ملتان میں ریجنل ٹیم نے گیس کے غیر قانونی استعمال پر 8 اور کمپریسر کے استعمال پر 2 گیس کنکشن منقطع کیے ،بہالپور میں بھی کمپریسر کے استعمال پر 8 گیس کنکشن منقطع کئے گئے ۔
ترجمان کے مطابق سوئی ناردرن گیس نے پشاور اور کرک میں میٹر سے چھیڑ چھاڑ،گیس کے براہ راست استعمال و غیر قانونی کنکشن پر 40 گیس کنکشن منقطع اور 15 لاکھ کے جرمانے عائد کیے ۔ مردان میں بھی ٹیم نے گیس کے غیر قانونی استعمال پر 8 گیس کنکشن منقطع کر کے 1 لاکھ کے جرمانہ عائد کیا گیا۔
