لاہور، شیخ زاید ہسپتال میں "ورلڈ ہارٹ ڈے "کے حوالے سے آگاہی واک کا اہتمام

لاہور۔28ستمبر (اے پی پی):لاہور کے شیخ زید ہسپتال میں امراض قلب کے عالمی دن کی مناسبت سے عوام میں دل کی بیماریوں کے بارے میں آگاہی اور شعور بیدار کرنے کے لئے خصوصی واک کا اہتمام کیا گیا۔ ترجمان کے مطابق واک کی قیادت پروفیسر ڈاکٹر قاضی عبدالصبور سربراہ شعبہ امراض دل نے کی۔

اس موقع پر ڈاکٹر قاضی طفیل، ڈاکٹر حسنین بشیر، ڈاکٹر سید اشتر علی زیدی، پروفیسر عائشہ ہمایوں سمیت ڈاکٹرز، نرسز اور پیرامیڈیکل سٹاف کی بڑی تعداد نے شرکت کی۔اس موقع پر عوام کے لئےمفت میڈیکل کیمپ کا اہتمام کیا گیا جس میں بلڈ پریشر چیک کرنے کے ساتھ ساتھ ماہرین امراض قلب نے عوام الناس کو مفید طبی مشورے دئیے ۔

ماہرین کا کہنا تھا کہ ہر سال لاکھوں لوگ دل کے عارضہ میں مبتلا ہو کر جان سے ہاتھ دھو بیٹھتے ہیں، متوازن غذا کے استعمال،سگریٹ نوشی ترک کرنے،بلڈ پریشر پر کنٹرول، ماحولیاتی آلودگی میں کمی، ذہنی دبائو سے بچائو اور متوازن طرز زندگی اپنا کر دل کی بیماریوں سے بچا جا سکتا ہے۔

Short Link: https://urdu.app.com.pk/urdu/?p=395780