لاہور، صوبہ بھر میں منشیات فروشوں کے ٹھکانوں پر 229 ریڈز اور 118 منشیات فروش گرفتار

لاہور۔2اپریل (اے پی پی):انسپکٹر جنرل پولیس پنجاب ڈاکٹر عثمان انور کی ہدایت پر صوبہ بھر میں منشیات فروشوں کے ٹھکانوں پر 229 ریڈز اور 118 منشیات فروشوں کو گرفتار کر کے مقدمات درج کئے گئے۔ ترجمان پنجاب پولیس نے بتاتے ہوئے کہا کہ منشیات فروشوں کے قبضہ سے 28 کلو گرام آئس اور 12 کلو گرام ہیروئن برآمد ہوئی جبکہ 49 کلو گرام چرس اور 3372 لٹر شراب بھی برآمد ہوئی۔

آئی جی پنجاب ڈاکٹر عثمان انور نے منشیات ڈیلرز اور سمگلرز کے خلاف سپیشل آپریشنز جاری رکھنے کا حکم دیا۔ آئی جی پنجاب نے افسران کو ہدایت کی کہ منشیات کی سپلائی چین کا خاتمہ اور آن لائن خرید و فروخت میں ملوث ملزمان کی گرفتاری یقینی بنائیں۔ تعلیمی اداروں اور ہاسٹلز کے گرد انٹیلی جنس بیسڈ آپریشنز میں مزید تیزی لائی جائے۔

Short Link: https://urdu.app.com.pk/urdu/?p=577970