لاہور۔27نومبر (اے پی پی):صوبہ بھر میں گز شتہ 24 گھنٹے کے دوران 78 نئے مریضوں میں ڈینگی کی تصدیق ہوئی۔ سیکرٹری صحت علی جان خان کے مطابق رواں سال پنجاب کے 36 اضلاع میں ڈینگی کے 13ہزار آٹھ سو 59کنفرم مریض رپورٹ ہوئے جبکہ رواں سال میں ہی لاہور میں ڈینگی کے 6260 کنفرم مریض رپورٹ ہوئے۔
اسی طرح لاہور میں گزشتہ روز 47 نئے مریض سامنے آئے۔ علی جان خان نے کہا کہ رواں سال روالپنڈی میں ڈینگی کے کل 2613 مریض رپورٹ ہوئے اور راولپنڈی میں گزشتہ روز 5 نئے مریض میں ڈینگی کی تصدیق ہوئی۔ رواں سال گوجرانوالہ میں ڈینگی کے کل 1450 مریض رپورٹ ہوئے،اور گوجرانوالہ میں ہی گزشتہ روز 14 نئے ڈینگی مریضوں کی تصدیق ہوئی-
اسی طرح رواں سال ملتان میں ڈینگی کے کل 1339 مریض رپورٹ ہوئے اور ملتان میں ہی گزشتہ روزایک نئے ڈینگی مریض کی تصدیق ہوئی- رواں سال فیصل آباد میں ڈینگی کے کل 806 مریض رپورٹ ہوئے جبکہ فیصل آباد میں ہی گزشتہ روز 5 نئے ڈینگی مریضوں کی تصدیق ہوئی اور گزشتہ 24 گھنٹے کے دوران شیخو پورہ میں ڈینگی کے 3 نئے مریض سامنے آئے۔
انہوں نے مزید کہا کہ گزشتہ 24 گھنٹے کے دوران نارووال، خانیوال اور چکوال میں ڈینگی کا ایک ایک نیا مریض سامنے آیا۔پنجاب بھر کے ہسپتالوں میں اس وقت ڈینگی کے کل 68 مریض زیر علاج ہیں جبکہ ضلع لاہور کے ہسپتالوں میں اس وقت ڈینگی کے کل 38 مریض زیر علاج ہیں ۔ علی جان خان نے کہا کہ ڈینگی سے بچنے کے لئے شہری اپنے ماحول کو صاف وخشک رکھیں اورڈینگی کی روک تھام کے لئے شہری محکمہ صحت کی ٹیموں سے تعاون کریں۔ سیکرٹری صحت نے کہا کہ ڈینگی بخار کے علاج ، معلومات یا شکایات کے لئے محکمہ صحت کی فری ہیلپ لائن 1033 پر رابطہ کریں۔
Short Link: https://urdu.app.com.pk/urdu/?p=414567
