لاہورحادثہ، سی سی پی او سے رپورٹ طلب

لاہور۔14مئی (اے پی پی):آئی جی پنجاب ڈاکٹر عثمان انور نے آخری منٹ سٹاپ باغبانپورہ ٹریفک حادثہ پر نوٹس لیتے ہوئے سی سی پی او لاہور سے رپورٹ طلب کر لی۔ ترجمان پولیس کے مطابق آئی جی پنجاب نے ڈی آئی جی آپریشنز لاہور کو حادثہ کے ذمہ داران کا تعین کرکے سخت ایکشن لینے کا حکم دیا ہے۔ انہوں نے کہا کہ غفلت کے مرتکب ڈمپر ڈرائیور کو فوری گرفتار کرکے سخت قانونی کارروائی عمل میں لائی جائے ۔

آئی جی پنجاب نے واقعہ میں سکول کی کمسن طالبات سمیت دیگر افراد کی قیمتی جانوں کے ضیاع پر اظہار افسوس کیا ہے اور سی ٹی او لاہور کو حد رفتار کی خلاف ورزی کے مرتکب ڈرائیورز کے خلاف سخت ایکشن لینے کی ہدایت کی ہے۔

Short Link: https://urdu.app.com.pk/urdu/?p=596831