لاہور سمیت پنجاب کے بیشتر شہروں میں ہلکی ودرمیانی بارش کا امکان

لاہور۔30جنوری (اے پی پی):صوبائی دارالحکومت لاہور سمیت پنجاب کے بیشتر شہروں میں ہلکی و درمیانی بارش کا امکان ہے ۔ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم شدیدسرد،خشک اور دھند چھائی رہی ۔ترجمان کے مطابق آئندہ چوبیس گھنٹوں کے دوران لاہور قصور،حافظ آ باد ،سیالکوٹ،گوجرانوالہ،منڈی بہاوالدین،گجرات،نارووال،سرگودھا، اوکاڑہ،فیصل آباد، ٹوبہ ٹیک سنگھ،جھنگ میں ہلکی اور درمیانی بارش کا ا مکان ہے ۔

ترجمان کے مطابق لاہور میں کم سے کم درجہ حرارت 09جبکہ زیادہ سے زیادہ 20سینٹی گریڈ ریکارڈ کیا گیا، ہوا میں نمی کا تناسب 65فیصد رہا،لا ہور میں آلودگی کی مجموعی شرح191 فیصدرہی،اسی طرح شہر کے دیگر علاقوں ڈی ایچ اے 8فیز 245 ،ڈی ایچ اے فیز 8ایوی گرین میں 202،ذکی فارمز 204, پاکستان انجینئرنگ سروسز 202,یو ایم ٹی 195،سی ایک آر پی آفس 193،ریونیو ہاسنگ سوسائٹی 209اورجنریشن پرائیوٹ لمیٹڈ 250ریکارڈ کی گئی۔