لاہور۔27اپریل (اے پی پی):محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم گرم و خشک، جنوبی اضلاع میں موسم شدید گرم رہنے کا امکان ہے جبکہ جنوبی پنجاب میں دن کے اوقات میںدرجہ حرارت 04 سے06 ڈگری سینٹی گریڈ زیادہ رہنے کی توقع ہے ۔
ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے بیشتر اضلاع میں موسم زیادہ تر گرم و خشک رہا جبکہ جنوبی اضلاع میں موسم شدید گرم رہا۔لاہور میں کم سے کم درجہ حرارت 23اور زیادہ سے زیادہ 39سینٹی گریڈ ریکارڈ کیا گیا جبکہ ہوا میں نمی کا تناسب10فیصدرہا۔
لا ہور میں آلودگی کی مجموعی شرح 75فیصد رہی جبکہ شہر کے مختلف علاقوںیو ایم ٹی میں73، گرینڈ چارٹر سکول 71، اڈا پلاٹ 69،عسکری ٹین 64اور لاہور امریکن سکول میں 66ایئر کوالٹی انڈیکس ریکارڈ کیا گیا۔
Short Link: https://urdu.app.com.pk/urdu/?p=588543
