لاہور میں صحت دشمن عناصر کیخلاف مسلسل کارروائیاں جاری ہیں،عاصم جاوید

لاہور۔13فروری (اے پی پی):لاہور میں صحت دشمن عناصر کیخلاف مسلسل کارروائیاں جاری ہیں،ڈی جی فوڈ اتھارٹی کے حکم پر فوڈ سیفٹی ٹیموں نے ملتان روڈ اور سندر اسٹیٹ میں چھاپے مارے اور 1500کلو فنگس زدہ اچار اور 470کلو کھلے مضر صحت رنگ اور فلیور تلف کر دئیے گئے، تفصیلات کے مطابق گھی آئل یونٹ کی پروڈکشن بند کر کے اچار یونٹ کو 2لاکھ جرمانہ عائد کیا گیا۔

ڈی جی فوڈ اتھارٹی نے بتایا گھی کا سیمپل فیل قرار پایا، گھی میں ایسڈ کی مقدار زیادہ ہونے پر یونٹ کو بند کیا گیا۔سابقہ ہدایات کی خلاف ورزی، صفائی کے ناقص انتظامات پائے گئے۔ ایکسپائرکھلے رنگ کا استعمال، کیڑے مکوڑوں اور مکھیوں کی بھر مار پائی گئی، ریکارڈ عدم موجود اور تیار اشیا زمین پر رکھی پائی گئی۔ انہوں نے کہا کہ اشیا خورونوش کے نام پر دھوکہ دہی کرنے والوں کے خلاف سخت کارروائی عمل میں لائی جائے گی۔ فوڈ بزنس آپریٹرز مقرر کردہ قوانین پر عملدرآمد یقینی بنائیں۔عوام سے گزارش ہے کہ گردونواح میں موجود ایسے عناصرکی اطلاع 1223پر دیں۔

Short Link: https://urdu.app.com.pk/urdu/?p=560515