- Advertisement -
لاہور۔14مئی (اے پی پی):لاہور شہر کے تمام تھیٹرز کو ڈرامہ اوقات کی پابندی نہ کرنے پر انتظامیہ کی جانب سے نوٹس جاری کر دیے گئے۔ترجمان ضلعی انتظامیہ کیمطابق متعدد تھیٹرز فرنٹ لائن لائٹس بند کرکے خفیہ طور پر ٹکٹوں کی فروخت جاری رکھتے ہیں اور رات گئے تک ڈرامے پیش کیے جاتے ہیں۔ مخصوص طور پر شالیمار تھیٹر، کمال تھیٹر سمیت دیگر مقامات پر اوقات کار کی کھلی خلاف ورزیاں ریکارڈ کی گئیں۔
ترجمان نے بتایا کہ کئی تھیٹرز میں رات11 بجے سے 1 بجے تک سی سی ٹی وی کیمرے آن رکھے جاتے ہیں تاہم ایک بجے کے بعد کیمرے بند کر دیئے جاتے ہیں۔ضلعی انتظامیہ نے تمام تھیٹر مالکان کو متنبہ کیا ہے کہ ڈرامہ اوقات کی خلاف ورزی پر سخت کارروائی عمل میں لائی جائے گی اور آئندہ کسی قسم کی نرمی نہیں برتی جائے گی۔
- Advertisement -
Short Link: https://urdu.app.com.pk/urdu/?p=596790
- Advertisement -
