لاہور۔7جولائی (اے پی پی):لاہور ہائیکورٹ میں پیر سے موسم گرما کی تعطیلات کا آغازہوگیا۔موسم گرما کی تعطیلات کیلئے پہلے ہفتے کا ججز روسٹر جاری کردیا گیا جس کے مطابق پرنسپل سیٹ پر 7 ڈویژن بنچ سول اور فوجداری اپیلوں پر سماعت کرینگے،21 سنگل بنچ حکم امتناعی، ضمانت، اندراج مقدمہ سمیت کیسز کی سماعت کریں گے،پرنسپل سیٹ پر ججز بطور ڈویژن بنچز اور سنگل بنچ کیسوں کی سماعت کریں گے۔
ججز روسٹر کے مطابق چیف جسٹس عالیہ نیلم اور جسٹس عبہر گل خان پر مشتمل بنچ فوجداری اپیلوں پر سماعت کرے گا۔جسٹس عابد عزیز کی سربراہی میں دو رکنی بنچ تمام سول اپیلوں پر سماعت کرے گا۔جسٹس شہباز رضوی کی سربراہی میں دو رکنی بنچ تمام نوعیت کی فوجداری اپیلوں پر سماعت کرے گا۔جسٹس فیصل زمان کی سربراہی میں دو رکنی بنچ تمام سول اپیلوں پر سماعت کریگا۔
جسٹس شاہد کریم کی سربراہی میں دو رکنی بنچ تمام سول اپیلوں پر سماعت کرے گا۔جسٹس چوہدری محمد اقبال کی سربراہی میں دو رکنی بنچ تمام نوعیت کی سول اپیلوں پر سماعت کرے گا۔جسٹس فاروق حیدر کی سربراہی میں دو رکنی بنچ تمام نوعیت کی فوجداری اپیلوں پر سماعت کرے گا۔
