لاہور۔24مارچ (اے پی پی):لاہور ہائیکورٹ کے دو رکنی بینچ نے نجی میڈیکل کالجز کی فیسوں میں اضافے کے خلاف دائر درخواست پی ایم ڈی سی کے وکیل کے بیان کی روشنی میں نمٹا دی ۔
لاہورہائیکورٹ کے جسٹس چوہدری محمد اقبال کی سربراہی میں دو رکنی بینچ نے کیس کی سماعت کی ۔ سوموار کو سماعت پر درخواست گزاروں کے وکیل اظہر صدیق نے موقف اختیار کیاکہ پرائیویٹ میڈیکل کالجز میں بے پناہ فیسوں میں اضافہ کردیا جاتا ہے لہذا اضافے کو کالعدم قرار دیاجائے ۔
دوران سماعت وکیل پی ایم ڈی سی نے عدالت کو بتایاکہ میڈیکل کالجز میں داخلے کے لیے ہم ایم کیٹ لے رہے ہیں، فیسوں کا نیا قانون آچکا ہے ہم اس کے تحت فیسیں لے رہے ہیں، فیسیں 2012 کے رولز کے تحت لینے کا قانون ختم ہوچکا ہے۔ عدالت نے پی ایم ڈی سی کے وکیل کی روشنی میں درخواست نمٹا دی۔
Short Link: https://urdu.app.com.pk/urdu/?p=575815
