لاہور۔4اگست (اے پی پی):محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت جنوبی پنجاب کے علاقوں میں بعض مقا مات پر تیز ہوائوں اور گر ج چمک کے سا تھ بارش کا امکان ہے جس سے برساتی ندی نالوں میں طغیانی کا خدشہ ہے تاہم دیگر علاقوں میں موسم گرم اور حبس رہے گی۔
ترجمان محکمہ موسمیات کے مطابق گزشتہ چوبیس گھنٹوں کے دوران لاہور سمیت پنجاب کے شمال مشرقی علاقوں میں چند مقامات پر بارش ہوئی تاہم صوبہ کے باقی حصوں میں موسم گرم اور حبس رہی۔
گزشتہ روز پنجاب میں سب سے زیادہ بارش رحیم یار خان میں 92 ملی میٹر ، منڈی بہائو الدین 30، ڈیرہ غازی خان 3،کوٹ ادو 12، بھکر 28،گجرات83 ، نارووال43،نور پور تھل26 ،شیخوپورہ33، نارنگ منڈی25 ،سیالکوٹ 50، فیصل آباد 7،خان پور27 اور بہاول پور ایئر پورٹ میں 12 ملی میٹر بارش ریکارڈ کی گئی جبکہ لاہور میں ہلکی بارش ہو ئی ۔
ترجمان کے مطابق لاہور میں کم سے کم درجہ حرارت 27اور زیادہ سے زیادہ 34سینٹی گریڈ ریکارڈ کیا گیا جبکہ ہوا میں نمی کا تناسب 82فیصد رہا۔لا ہور میں آلودگی کی مجموعی شرح 75فیصد رہی جبکہ شہر کے مختلف علاقوں ذکی فارمز69،فیز ایٹ ایوی گرین75، ریونیو سوسائٹی میں86، سید مراتب علی روڈ پر82،پاکستان انجینئرنگ سروسز75،سی ای آر پی آفس 81،عسکری ٹین 75 اورنٹسول آفس میں75 ایئر کوالٹی انڈیکس ریکارڈ کیا گیا ۔
Short Link: https://urdu.app.com.pk/urdu/?p=490580
