لا ہور سمیت پنجاب کے شمال مشرقی ،وسطی اور جنوبی علاقوں میں بارش کا امکان

لاہور۔25جولائی (اے پی پی):محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت پنجاب کے شمال مشرقی ،وسطی اور جنوبی علاقوں میں بعض مقا مات پر آند ھی ، جھکڑ چلنے اور گر ج چمک کے سا تھ بارش کی توقع ہے تاہم دیگر علاقوں میں موسم گرما اور شدید حبس رہے گا۔

ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے شمال مشرقی علاقوں میں چند مقامات پر بارش ہوئی تاہم صوبہ کے باقی حصوں میں موسم گرم اور حبس رہا۔لاہور میں کم سے کم درجہ حرارت 29جبکہ زیادہ سے زیادہ 37سینٹی گریڈ ریکارڈ کیا گیا، ہوا میں نمی کا تناسب 55فیصد رہا۔

لا ہور میں آلودگی کی مجموعی شرح 86فیصد رہی،اسی طرح شہر کے مختلف علاقوں میں ایئر کوالٹی انڈیکس درج ذیل رہا۔ ریونیو سوسائٹی میں96، یو ایم ٹی 82،سید مراتب علی روڈ پر115،ٹھو کر نیا ز بیگ85، آرک اسٹیشن ون 84،اور بلاک اے جوہر ٹاون میں79 ائیر کوالٹی انڈیکس119 ریکارڈ کیا گیا ۔

Short Link: https://urdu.app.com.pk/urdu/?p=487437