لندن پولیس نے انسانی سمگلنگ کے شبے میں 8 افراد کو گرفتار کر لیا

لندن ۔ 18 اکتوبر (اے پی پی) لندن پولیس نے ایسے 8 مشتبہ افراد کو حراست میں لیا ہے جن کا تعلق رومانیہ کے انسانی سمگلنگ کے ایک منظم گروپ سے ہے۔ گرفتار ہونے والوں میں 5 مرد اور 3 خواتین شامل ہیں۔ لندن پولیس نے ان افراد سے پوچھ گچھ کا عمل شروع کر دیا ہے۔ دوسری جانب رومانیہ میں بھی 1 خاتون اور 3 مردوں کو لندن پولیس کی اطلاع پر گرفتار کیا گیا ہے۔ پولیس کے مطابق مختلف چھاپوں میں چار مختلف مقامات سے انسانی سمگلنگ سے متاثرہ 33 افراد کو تحویل میں لے کر ایک محفوظ مقام پر منتقل کر دیا گیا ہے۔

Short Link: https://urdu.app.com.pk/urdu/?p=118144