لاہور۔19فروری (اے پی پی):لیجنڈ اداکار آغا طالش کی27 ویں برسی 19فروری بروز بدھ کو منائی گئی،انہیں اپنے مداحوں سے بچھڑے ستائیس برس بیت گئے۔ اداکار آغا طالش10 نومبر1927 کو لدھیانہ میں پیدا ہوئے ،ان کا اصل نام آغا علی عباس قزلباش تھا ، وہ پاکستان فلم انڈسٹری میں اکیڈمی کا درجہ ر کھتے تھے،انہوں نے 1952 میں فلمی کیریئر کا آغاز کیا تھا اورپنجابی فلم ”جبرو” میں ایک مزاحیہ کردار سے فلموں میں مقبولیت حاصل کی ،اپنے کردار وں میں ڈھل جانا طالش کی نمایاں خوبی تھی
کریکٹرایکٹر اور وِلن کے کردار ان کی اصل شناخت بنے۔ آغا طالش نے اپنے چالیس سالہ فلمی کیریئر میں متعدد فلموں میں کام کیا اور اپنی اداکاری کا لوہا منوایا، انکی مشہور فلموں میں فرنگی ،شہید ، نیند،زرقا،کنیز،تیرے عشق نچایا،بھریا میلہ اور امرائوجان ادا شامل ہیں، آغا طالش نے چار سو سے زائد فلموں میں کام کیا۔ انہوں نے پاکستانی فلموں میں کئی یادگار کردار ادا کئے ،آغا طالش19 فروری 1998کو اپنے خالق حقیقی سے جا ملے ۔
Short Link: https://urdu.app.com.pk/urdu/?p=563672
