لاہور۔8ستمبر (اے پی پی):لاہور الیکٹرک سپلائی کمپنی (لیسکو)کے چیف ایگزیکٹو انجینئر شاہد حیدر کی زیر نگرانی لیسکو ریجن میں بجلی چوروں کیخلاف آپریشن جاری ہیں۔ لیسکو ترجمان کی جانب سے جاری کردہ اعلامیے کے مطابق 2دن کے آپریشن کے دوران تمام سرکل میں 528کنکشنز بجلی چوری میں ملوث پائے گئے۔تمام بجلی چوروں کے خلاف ایف آئی آرز کی درخواستیں متعلقہ تھانوں میں دائر کر دی گئی ہیں جن میں سے305ایف آئی آرز رجسٹرڈ ہو چکی ہیں جبکہ9 ملزمان کو گرفتار بھی کیا جاچکا ہے،تمام کنکشنز منقطع کر کے ان کو1,678,826 یونٹس ڈٹیکشن بل کی مد میں چارج کئے گئے ہیں جن کی رقم 68,796,447 (چھ کڑور ستاسی لاکھ چھیانوے ہزار چار سو سنتالیس )روپے ہے ۔
بجلی چوروں کیخلاف کئے جانے والے آپریشن میں اہم شخصیات بھی بجلی چوری میں ملوث پائی گئیں ،ان تمام کے کنکشنز بھی منقطع کئے گئے اور ان کو ڈٹیکشن یونٹس چارج کئے گئے ۔ایکس ناظم پی ایم ایل این محمد شہباز کو 3126یونٹس کی مد میں 193,000روپے،پولیٹیکل ریلیشن ایم این اے ملک رشید،نواز ڈوگرکو17,311 یونٹس کی مد میں 605,900 روپے،نمبردار حاجی منگت خان کو1684 یونٹس کی مد میں 75,482روپے،ممبر کسان اتحاد مصطفی کھوکھر کو1758 یونٹس کی مد میں 90,125 روپے،ایکس کونسلر پی ایم ایل این عمر دراز کو1481یونٹس کی مد میں 55,633 روپے،پی ایم ایل این ورکرمحمد علی احمد نگر کو982 یونٹس کی مد میں 44362روپے، پولیٹیکل ورکراعظم جٹ کو 11250یونٹس کی مد میں 450,000روپے،
چرسی تکہ بار بی کیو ڈی ایچ اے لاہورکو5072یونٹس کی مد میں 253,600روپے، ریلیشن ایکس ایم این اے رانا حیات، رانا شوکت نتھے جاگیر کو1080 یونٹس کی مد میں 47,342روپے، نمبر دار میو کھڈیاں ندیم عباس کو850یونٹس کی مد میں 28,790 روپے کی رقم چارج کی گئی ہے۔واضح رہے بجلی چوروں کیخلاف آپریشنز وفاقی پاور ڈویژن کی جانب سے دی گئی ہدایات کے مطابق کئے جا رہے ہیں اور چیف ایگزیکٹو انجینئر شاہد حیدر بذاتِ خود ان آپریشنز کی نگرانی کر رہے ہیں۔ لیسکو چیف کا کہنا تھا کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنیوالے لیسکو افسران و ملازمین کو بھی قانون کے کٹہرے میں لایا جائے گا۔
Short Link: https://urdu.app.com.pk/urdu/?p=388247
