لاہور۔9مئی (اے پی پی):لاہور الیکٹرک سپلائی کمپنی(لیسکو)کے ہیڈکوار ٹر میں چیف ایگزیکٹوآفیسر انجینئر محمد رمضان بٹ کی زیر صدارت اجلاس ہواجس میں تمام فنکشنل ہیڈ نے شرکت کی۔اجلاس کے دوران ہیڈکوار ٹر میں قائم وار روم کی کارکردگی کا جائزہ لیا گیا،چیف ایگزیکٹو کی جانب سے وار روم کی کارکردگی پر اطمینان کا اظہار کیا گیا۔
اس موقع پر خطاب کرتے ہوئے لیسکو چیف انجینئر محمد رمضان بٹ کا کہنا تھا کہ موجودہ صورتحال میں ہمیں مزید مستعدی اور اتفاق کا مظاہرہ کرنے کی ضرورت ہے،مل جل کر کام کرنے سے تمام مسائل کا باآسانی حل نکل آتا ہے۔انہوں نے کہا کہ موجودہ کشیدہ صورتحال میں افسران نے کسی قسم کی پریشانی کا مظاہرہ نہیں کرنا،ایک اللہ پاک پر یقین رکھنے والوں کو دنیا کی کوئی طاقت شکست نہیں دے سکتی،ہم نے بجلی کی تنصیبات کی حفاظت کا بندوبست کر لیا ہے،لیسکو کا عملہ بھی ہر طرح کی صورتحال کا مقابلہ کرنے کو تیار ہے۔
لیسکو چیف انجینئر محمدرمضان بٹ کی زیر صدارت ہونیوالے اجلاس میں آپریشن ڈائریکٹر اعجاز احمد بھٹی، کسٹمر سروسز ڈائریکٹر عباس علی، ہیومن ریسورس ڈائریکٹر ضمیر حسین کلاچی، ڈی جی ایڈمن معصومہ عادل، سی ایف او محمد احمد سعید،چیف انجینئر آپریشنز ندیم ملک، چیف انجینئر ڈویلپمنٹ عمران محمود، چیف انجینئر پی اینڈ ڈی فیصل زکریا، چیف انجینئر ٹی ایس ڈیزائن نثار سرور، چیف انجینئر پی آئی یو انور وٹو اور چیف آئی ٹی آفیسر محمد عثمان علی جرال نے شرکت کی۔
Short Link: https://urdu.app.com.pk/urdu/?p=594968
