لاہور۔16مارچ (اے پی پی):لیسکو کا بجلی چوروں کے خلاف آپریشن جاری ہے ، 24گھنٹوں میں 447ملزمان بجلی چوری میں ملوث پائے گئے،242 کے خلاف مقدمات درج کرا کے جرمانے عائد کئے گئے۔
لیسکو ترجمان کے مطابق وزارت توانائی پاور ڈویژن کی ہدایت کے مطابق چیف ایگزیکٹو لیسکو انجینئر شاہد حیدر کی زیر نگرانی انسداد بجلی چوری مہم کامیابی کے ساتھ جاری ہے۔ 24 گھنٹوں کے دوران ریجن بھر میں 447ملزمان بجلی چوری میں ملوث پائے گئے، جن میں سے242کے خلاف مقدمات درج ہوچکے ہیں۔پکڑے جانے والے کنکشنز میں 15 کمرشل،1نڈسٹریل،3زرعی اور428 ڈومیسٹک تھے۔ تمام کنکشنز منقطع کرکے ان کو3لاکھ16 ہزار600 یونٹس ڈٹیکشن بل کی مد میں چارج کئے گئے ہیں جن کی مالیت 95لاکھ44 ہزار755 روپے ہے۔
بجلی چوروں کےخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔ ان تمام کے کنکشنز بھی منقطع کئے گئے اوران کو ڈٹیکشن یونٹس چارج کئے گئے۔علی آباد ٹائون کے علاقے میں کنکشن کو1 لاکھ14ہزار روپے،بیگم کوٹ کے علاقے میں کنکشن کو98ہزار542 روپے، شاہدرہ کے علاقے میں ایک ملزم کو86ہزار اورصابر ٹائون ایک ملزم کو85ہزار روپے کی رقم چارج کی گئی ہے۔انسداد بجلی چوری مہم کو184روزمکمل ہوگئے ہیں، اس دوران کل 64 ہزار322 ملزمان بجلی چوری میں ملوث پائے گئے، 62 ہزار868ملزمان کے خلاف مقدمات درج کروا کر 20 ہزار47 ملزمان کو گرفتار کرلیا گیا۔بجلی چوروں کو اب تک 8 کروڑ20 لاکھ51 ہزار352یونٹس چارج کئے گئے ہیں جن کی مالیت 3 ارب 12 کروڑ33 لاکھ7 ہزار256روپے ہے۔
لیسکو چیف نے کہا کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنے والے لیسکو افسران و ملازمین کو بھی قانون کے کٹہرے میں لایا جائے گا۔
