لاہور۔7نومبر (اے پی پی):چیف ایگزیکٹو لیسکو انجینئر شاہد حیدر کی زیر نگرانی جاری انسداد بجلی چوری مہم کو 2 ماہ مکمل ہوگئے۔ ترجمان لیسکو کے مطابق2 ماہ کے دوران 24036 ملزمان بجلی چوری میں ملوث پائے گئے اور اب تک11ہزار 924ملزمان کو گرفتار کیا گیا، مجموعی طور 23796 کنکشن کے خلاف ایف آئی آر کی درخواستیں جمع کروائی گئیں جن میں سے23007درخواستیں رجسٹرڈ ہو چکی ہیں۔
بجلی چوروں کو اب تک45570998یونٹس چارج کئے گئے ہیں جن کی مالیت 1924175510 ہے۔بجلی چوروں کے خلاف آپریشن میں بڑے کمرشل صارفین بھی بجلی چوری میں ملوث پائی گئےجن کے کنکشنز منقطع کئے گئے اور ان کو ڈٹیکشن یونٹس چارج کئے گئے۔ستوکتلہ کے علاقے میں کنکشن کو6977یونٹس (500000) روپے، قصور کے علاقہ میں کنکشن کو4000 یونٹس (300000)روپے،مصطفی ٹائون کے علاقے میں کنکشن کو3850 یونٹس200000 روپے اور مصطفی ٹائون کے علاقے میں ہی ایک اور کنکشن کو200000 روپے کی رقم چارج کی گئی ہے۔گزشتہ 24 گھنٹوں کے دوران ریجن بھر میں 247 کنکشن بجلی چوری میں ملوث پائے گئے،246 بجلی چوروں کے خلاف ایف آئی آر کی درخواستیں متعلقہ تھانوں میں دائرکی گئیں جس میں سے174 درخواستیں رجسٹرڈ ہوچکی ہیں جبکہ21ملزمان کو گرفتار کرلیا گیا ۔
پکڑے جانے والے کنکشنز میں ایک زرعی، 16 کمرشل اور 230 گھریلو تھے۔ تمام کنکشن منقطع کرکے ان کو276998یونٹس ڈٹیکشن بل کی مد میں چارج کئے گئے ہیں جن کی مالیت11434416روپے ہے۔ لیسکو چیف کا کہنا ہے کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنے والے لیسکو افسران و ملازمین کو بھی قانون کے کٹہرے میں لایا جائے گا۔
