مانچسٹر۔19نومبر (اے پی پی):لیورپول کی فٹ بال ٹیم نے اپنی شاندار کارکردگی کی بدولت انگلش پریمیئر لیگ کے پوائنٹس ٹیبل پر ایک مرتبہ پھر پہلی پوزیشن حاصل کرلی ۔
لیور پول کی ٹیم ایک درجہ ترقی پاکر دوسرے سے پہلے نمبر پر پہنچ گئی ہے جبکہ دفاعی چیمپئن مانچسٹر سٹی کی ٹیم ایک تنزلی کے بعد پہلے سے دوسرے نمبر پر چلی گئی جبکہ چیلسی کی ٹیم تیسرے نمبر پر ہے، لیورپول کی ٹیم کے اب تک کھیلے گئے میچز کے بعد سب سے زیادہ 28 پوائنٹس ہیں،دفاعی چیمپئن مانچسٹر سٹی کی ٹیم 23 پوائنٹس کے ساتھ دوسرے جبکہ چیلسی کی ٹیم کے 19 پوائنٹس ہیں اور وہ تیسرے نمبر پر ہے۔ انگلش پریمیئر لیگ کے 33 ویں سیزن کے انتہائی دلچسپ اور کانٹے دار مقابلوں کا سلسلہ انگلینڈ میں جاری ہے۔یہ مجموعی طور پر ٹاپ فلائٹ انگلش فٹ بال کا 126واں ایڈیشن ہے ۔
لیگ میں شامل تمام 20 ٹیموں نے اپنے 11،11 میچز کھیلے لئے ہیں ۔لیورپول کی ٹیم 11 میچز کھیل چکی ہے اور اس کو 9میچز میں فتح ہوئی ہے جبکہ ایک میچ ڈرا ہوا ہے اور اس کی ایک میچ میں شکست کا سامنا کرناپڑا ہےاور وہ ایک مرتبہ پھر سب سے زیادہ 28 پوائنٹس کے ساتھ ٹاپ پوزیشن پر پہنچ گئی ہے ۔
دفاعی چیمپئن کی ٹیم کی ٹیم نے بھی 11 میچز کھیل لئے ہیں اور اس کو 7میچز میں فتح ہوئی ہے جبکہ دو میچز ڈار ہوئے ہیں اور دو میچز میں اس کوشکست کا سامنا کرنا پڑا ہے اور وہ ایک درجہ تنزلی کے بعد 23 پوائنٹس کے ساتھ ٹیبل پر پہلی سے دوسری پوزیشن پر چلی گئی ہے ۔
ای پی ایل کی اب تک کی دلچسپ صورتحال یہ ہے کہ چیلسی،آرسنل،ناٹنگھم فارسٹ اور برائٹن اینڈ ہوو البیون کی ٹیمیں اپنے 11، 11 میچز کھیل چکی ہیں اور ان چاروں ٹیموں کے 19،19 پوائنٹس مساوی ہیں اور وہ بالترتیب تیسرے ،چوتھے،پانچویں اور چھٹے نمبر پر موجود ہیں۔
اسی طرح فلہم،نیوکیسل یونائیٹڈ اور آسٹن ولا کی ٹیموں کے بھی 18،18 پوائنٹس مساوی ہیں اوروہ بالترتیب ساتویں ،آٹھویں اور نویں نمبر پر ہیں۔ ٹوٹنہم ہاٹ پور اور برینٹ فورڈ کی ٹیموں نے بھی 11،11 میچز کھیل لئے ہیں اور وہ 16،16 مساوی پوائنٹس کے ساتھ دسویں اور گیارہویں نمبر پر ہیں۔ سائوتھمپٹن کی ٹیم نے 11 میچز کھیل لئے ہیں اور وہ صرف ایک میچ جیت سکی ہے ،یوں وہ سب سے کم چار پوائنٹس کے ساتھ ٹیبل پر سب سے نیچے بیسویں نمبر پر ہے۔
