اسلام آباد ۔ 13 جولائی (اے پی پی) مئی 2019ءکے دوران سویا بین کی قومی درآمدات میں 109.02 فیصد کا اضافہ ہوا ہے ۔ ادارہ برائے شماریات پاکستان ( پی بی ایس) کے اعدادوشمار کے مطابق مئی 2019ءکے دوران 9.97 ملین ڈالر کا سویا بین آئل درآمد کیا گیا جبکہ مئی 2018 ءکے دوران درآمدات کا حجم 4.77 ملین ڈالر ریکارڈ کیا گیا تھا۔ اس طرح مئی 2018 کے مقابلہ میں مئی 2019 کے دوران سویا بین آئل کی ملکی درآمدات میں 5.20 ملین ڈالر یعنی 109 فیصد سے زائد کا اضافہ ریکارڈ کیا گیا ہے۔
