مارشل گرانولرز اور ہوراشیو ومبلڈن اوپن ٹینس مینز ڈبلزکوارٹر فائنل میں پہنچ گئے

لندن۔10جولائی (اے پی پی):ہسپانوی ٹینس سٹار مارشل گرانولرز اور ان کے ارجنٹائن کے جوڑی دار ہوراشیو زیبالوس پر مشتمل ٹاپ سیڈڈ جوڑی رواں سال کے تیسرے گرینڈ سلام ومبلڈن اوپن ٹینس ٹورنامنٹ کے مردوں کے ڈبلز مقابلوں کے کوارٹر فائنل میں پہنچ گئی ۔ انہوں نے مینز ڈبلز کے ٹاپ 16 میچ میں ارجنٹائن کے سیباسٹین بیز اور ان جمیکن جوڑی دار ڈسٹن براؤن کو شکست دی ۔ انگلینڈ کے دارالحکومت لندن میں جاری رواں سال کے تیسرے گرینڈ سلام ومبلڈن اوپن ٹینس ٹورنامنٹ میں کانٹے دار مقابلے جاری ہیں جس کے مردوں کے ڈبلز مقابلوں کے پری کوارٹر فائنل میچ میں ہسپانوی ٹینس سٹار مارشل گرانولرز اور ان کے ارجنٹائن کے جوڑی دار ہوراشیو زیبالوس پر مشتمل ٹاپ سیڈڈ جوڑی نے شاندار کارکردگی کا مظاہرہ کرتے ہوئے ارجنٹائن کے سیباسٹین بیز اور ان جمیکن جوڑی دار ڈسٹن براؤن کو سٹریٹ سیٹس میں 3-6 اور 3-6سے نہ صرف شکست دی بلکہ میگا ایونٹ میں مینز ڈبلز کوارٹر فائنل رائونڈ کے لئے بھی کوالیفائی کرلیا، جہاں ٹاپ سیڈڈ فاتح جوڑی کا مقابلہ کیون کرویٹزاور ان کے ہم وطن جوڑی دار ٹم پٹزپر مشتمل جرمن جوڑی سے ہوگا۔