لندن۔11جولائی (اے پی پی):ہسپانوی ٹینس سٹار مارشل گرانولرز اور ان کے ارجنٹائن کے جوڑی دار ہوراشیو زیبالوس پر مشتمل ٹاپ سیڈڈ جوڑی رواں سال کے تیسرے گرینڈ سلام ومبلڈن اوپن ٹینس ٹورنامنٹ کے مردوں کے ڈبلز مقابلوں کے سیمی فائنل میں پہنچ گئی ۔ انہوں نے مینز ڈبلز کے ٹاپ 8 میچ میں کیون کرویٹزاور ان کے ہم وطن جوڑی دار ٹم پٹزپر مشتمل جرمن جوڑی کو شکست دی ۔ انگلینڈ کے دارالحکومت لندن میں جاری رواں سال کے تیسرے گرینڈ سلام ومبلڈن اوپن ٹینس ٹورنامنٹ میں کانٹے دار مقابلے جاری ہیں جس کے مردوں کے ڈبلز مقابلوں کے کوارٹر فائنل میچ میں ہسپانوی ٹینس سٹار مارشل گرانولرز اور ان کے ارجنٹائن کے جوڑی دار ہوراشیو زیبالوس پر مشتمل ٹاپ سیڈڈ جوڑی نے شاندار کارکردگی کا مظاہرہ کرتے ہوئے کیون کرویٹزاور ان کے ہم وطن جوڑی دار ٹم پٹزپر مشتمل جرمن جوڑی کو ٹائی بریک پر سٹریٹ سیٹس میں 4-6 اور 6-7(3-7)سے نہ صرف شکست دی بلکہ میگا ایونٹ میں مینز ڈبلز سیمی فائنل رائونڈ کے لئے بھی کوالیفائی کرلیا، جہاں ٹاپ سیڈڈ فاتح جوڑی کا مقابلہ میکس پورسل اور ان کے ہم وطن جوڑی دار جورڈن تھامسن پر مشتمل آسٹریلوی جوڑی سے ہوگا۔
