مارگلہ ہلز نیشنل پارک میں آگ بھڑک اٹھی

اسلام آباد۔5اپریل (اے پی پی):مارگلہ ہلز نیشنل پارک میں آگ لگ گئی ، وائلڈ لائف کے پارک رینجرز آگ پر قابو پانے کیلئے مصروف عمل ہیں۔ ہفتہ کو اسلام آباد وائلڈ لائف مینجمنٹ بورڈ کے ترجمان نے کہا کہ مارگلہ ہلز نیشنل پارک میں آگ لگنے کا واقعہ پیش آیا ہے،

آگ روملی ویلج کے قریبی علاقے میں لگی ہے۔ ترجمان نے کہا کہ وائلڈ لائف کے پارک رینجرز آگ پر قابو پانے میں مصروف عمل ہیں،وفاقی ترقیاتی ادارہ (سی ڈی اے) کا عملہ بھی آگ بجھانے کے لیے موقع پر موجود ہے۔ متاثرہ علاقے میں ہوا کے تیز دباؤ کے باعث آگ پر مکمل قابو پانے میں مشکلات درپیش ہیں۔

Short Link: https://urdu.app.com.pk/urdu/?p=578768