اسلام آباد ۔ 12 ستمبر (اے پی پی) مالی سال 2018-19ءکے دوران فرنیچر کی ملکی برآمدات میں 19.68 فیصد اضافہ ریکارڈ کیا گیا ہے۔ادارہ برائے شماریات پاکستان)پی بی ایس) کی رپورٹ کے مطابق مالی سال 2017-18ءکے دوران ایک لاکھ88 ہزار فرنیچرز آئٹمز برآمد کئے گئے جن کی کل مالیت 423 ملین روپے رہی جبکہ گزشتہ مالی سال 2018-19ءکے دوران فرنیچر آئٹمز کی برآمدات 2لاکھ 25ہزار تک پہنچ گئیں جن کی کل مالیت 503 ملین روپے تک بڑھ گئی۔پی بی ایس کی رپورٹ کے مطابق مالی سال 2017-18ءکے مقابلہ میں گزشتہ مالی سال 2018-19ءکے دوران فرنیچر کی ملکی برآمدات میں37ہزار آئٹمز یعنی 19.68 فیصد اضافہ ہوا ہے۔
